感恩❤️ 尋晚大頭蝦，舞台劇綵排完之後去尖沙咀飲嘢先發現唔見咗部電話，個case 仲夾一張$500蚊同一張信用卡.....用朋友電話的find my iPhone app 見到個電話竟然喺沙田......WTF !!😱 先醒起原來我放咗個電話喺車頂唔記得拎😰，之後就開車去咗尖沙咀，應該係沿途跌咗喺馬路。打俾自己係仲通嘅到同無人聽，即係無人執到啦，仲應該無俾其他車輾過！於是九秒九揸車返沙田沿路揾，揾唔到....😔 再打電話竟然有個嬸嬸聽電話！！😨原來佢執咗，仲話可以俾返我仲唔要我一毫子，因為如果為咗錢就唔俾返我啦，佢又話佢還返電話俾我佢自己會行運，佢直頭仲開心過我拎得返部電話。呢位嬸嬸好可愛㗎，多謝你的正能量同路不拾遺！好感動，以表謝意，佢又唔肯收我錢，我決定將原本諗住俾嬸嬸嘅酬金捐出去做善事，亦希望你之後真係會行個大運啦 💝💝💝~~~~~#wonderfulnight #grateful #thankyou #lovelypeople #iamsolucky
Search